KALIBO, Aklan—Amat-amat eon nga nabubuhi ro mga negosyo nga nakapalibot sa Kalibo International Airport.
Raya hay kasunod it pagbalik it mga airline companies nga may byahe international vice versa daea ro mga dumueoong turista paadto sa isla it Boracay.
Bangud kara, ginkalipay ni Kalibo sangguniang bayan member Ronald Marte ro nakikitang improvement sa mga international flight bangud sa pagbalik eon man it mga foreign tourist matapos nga uwa eon haeos it restriction nga ginapatuman sa andang pagbyahe.
Mag-eowas kara, amat-amat eon man ro pagbyahe it mga van ag balik-trabaho man ro mga porter nga haeos dinag-on man nga natengga bangud sa pandemya ag ro pagsangkiri it domestic flights sa nasambit nga paeoparan.
Raya hay matapos nga haeos tanan nga domestic flights hay nagahugpa sa Godofredo P. Ramos Airport sa Caticlan, Malay.
Sa makaron suno kay Marte hay haeos tanan nga negosyante hay nagapahaom eon sa uman nga pagbukas it andang mga negosyo agud nga makabawi sa mga dinag-on nga nagsarado ro andang establisyimento bangud sa pandemya ag ro kawad-an man it pasahero sa Kalibo Airport.
