KALIBO, Aklan—Nagbaton ro Aklan Police Provincial Office ukon APPO it 18 nga mga high powered rifles ag ammunitions, 38 nga handheld radios ag 10 nga combat helmet halin sa Philippine National Police ukon PNP headquarters.
Ro blessing and turnover ceremony hay ginpatigayon kaina it agahon sa Camp Pastor Martelino sa Brgy. New Buswang, Kalibo.
Ro nasambit nga mga items hay ginturn-over sa natungdan nga mga municipal police stations nga ginaeakipan it kalibo PNP nga nagbaton it limang basic assault rifle galil ace 22 N; kaibahan ro 35 bilog nga steel magazine, ag 1,800 rounds nga ammunitions; kamana man ro daywang hytera handheld radio nga may kompletong accessories ag 10 nga combat helmet.
Kaibahan sa nag assist sa turn-over ceremony hay si Kalibo mayor Juris Sucro.
Samtang, nakabaton man it kaparehong mga kagamitan ro 16 nga iba pang municipal police stations sa Aklan kaibahan ro 1st and 2nd Aklan Provincial Mobile Force companies pinaagi sa andang supply officers.
Suno kay mayor Sucro nga nagtindog bilang guest of honor nga ro nasambit nga mga bag-ong equipment hay mas pang makapabaskog sa pagserbisyo it kapulisan sa mga pumueuyu it Kalibo ag bilog nga probinsiya it Aklan.
