KALIBO, Aklan—Ginaistoryahan eon sa Jakarta, Indonesia ro FIBA Basketball World Cup maskin nga kilaea ro mga Indonesian nga mahilig sa hampang nga football.
Raya hay matapos nga sambilog ro Indonesia nga magahost it mabahoe nga basketball event kaibahan ro nasyon it Japan ag Pilipinas.
Sa kamatuoran suno kay Bombo International Correspondent Ginavella Limpin-Cumla hay sold out eon ro ticket para sa hampang nga igapatigayon sa adlaw it Biyernes.
Angot kara, nagpatindog it stadium ro gobyerno nga nahuman sa suoed it 18 buean nga may seating capacity nga nagaabot sa 6,240 ukon masobra pa kon sa siin ginsigurado nanda kara ro international standard.
Eauman suno kay Cumla nga maabong Pilipino ro magatan-aw sa nasambit nga hampang maskin nga uwa it mga Pinoy bangud nga ro magahampang sa nasambit nga nasyon hay ro nakasueod sa Group H, ro nasyon it Latvia, Canada, France ag Lebanon.
Haeos tanan nga Indonesians hay excited eon sa nasambit nga event ag makit-an ro festive atmosphere sa nasambit nga lugar.
