KALIBO, Aklan — Umarangkada eon makaron nga adlaw it Sabado, Marso 1 ro pagdumdum sa bilog nga Pilipinas it Fire Prevention Month nga may tema nga “Sa Pamayanang Nagdadamayan, Sunog ay Maiiwasan.”
Angot kara, ginpahayag ni SFO4 Joriz Timonera, Acting Municipal Fire Marshal it Bureau of Fire Protection Makato nga tuyo it kampanya nga mas pang mapabaskog ro public awareness angot sa fire prevention and safety.
Ro marso hay gintaeana sigon bilang Fire Prevention Month tuga it grabeng init it tiempo ag maabu ro mga nailistang sunog sa raya nga paniempo.
Magapatigayon ro BFP sa bilog nga Aklan it nagkaeain-eain nga kampanya ag programa sa bilog nga buean agud nga maging preparado ag malikawan ro fire-related accidents.
Sa official observance it Fire Prevention Month 2025 nga maga-umpisa March 1 hasta March 31, 2025, magapatigayon sanda it nagkaeain-eain nga mga aktibidad nga gin-umpisahan kaina pinaagi sa motorcade sa kada banwa.
Handum nanda nga ma-edukar ro publiko angot sa fire safety and prevention.
Makaangkon man sigon it dueueungan nga pagpatunog it sirena it andang mga fire truck bandang alas-12 it udtro adlaw.
Samtang, apela pa nana nga likawan nga magsuga eabi eon ro pagsunog it dayami bangud nga makabig raya nga peligroso nga posibleng pagahalinan it sunog.
Mag-eowas kay SFO4 Joriz Timonera, kaibahan man nana nga na-interview it Bombo Radyo ro Municipal Fire Marshals it Malinao, Tangalan, ag Madalag.
