56-anyos nga eaeaki, gin-eampusan it dos por dos sa ueo, patay

POLICE Report — Patay ro sangka 56-anyos nga mangunguma matapos nga eampusan sa ueo   it dos por dos it anang igkampod sa Brgy. Pindangan, Sison, Pangasinan.

Suno sa mga awtoridad, ro biktima ag ro 42-anyos nga suspek hay parehong mangunguma, ag residente it nasambit nga lugar.

Sa inisyal nga imbestigasyon, ro mag-igkampod nga magkaeapitbaeay man hay nakaangkon it mainitan nga diskusyon.

Samtang nga nagadiskusyon  ro daywa,  nagbo-oe it dos por dos ro suspek ag gin-eampusan it pauman-uman sa ueo ro biktima.

Gindaea sa Pozorrubio Community Hospital ro biktima.

Sa pihak kara, ro biktima hay gindeklarang dead on arrival it nagtatap nga doktor.

Insigida man nga naaresto ro suspek.