POLICE Report —Patay ro sangka unga matapos nga gulping nagtabok sa karsada kat aksidenteng masagasaan it ambulansiya sa banwa it Santa Maria sa Bulacan.
Base sa report it pulisan, ro biktima hay sangka eaeaki nga naga-edad it pitong dag-on ag residente it Brgy. Lambakin, Marilao.
Natabu ro insidente bandang 12:30 it hapon sa karsada nga sakop it Paso Brgy. Bagbaguin.
Nagatuhaw sa inisyal nga imbestigasyon, aksidenteng nasagasaan it Toyota Hi-Ace Commuter ambulance ro biktimang gulping nagtabok sa karsada sa nasambit nga lugar.
Insigidang gindaea it ambulance crew ro biktima sa Rogaciano M. Mercado Memorial Hospital para sa paunang medikasyon apang binawian man raya it anang hueam nga kinabuhi.
Boluntaryo man nga nagsurender ro driver it ambulansiya nga sangka 50 anyos nga nagapangatubang sa kasong Reckless Imprudence Resulting to Homicide.
