POLICE Report — Ginatos nga mga bala it mataas nga kalibre it baril ro narekober sa sangka lolo sa Enrile, Cagayan.
Sa gahum it Search Warrant No. 27-2025 nga ginpaguwa ni Hon. Jezarene C. Aquino nga gin-isyu it RTC, Second Judicial Region, Branch 5, Tuguegarao City, ginhaeughog it mga operatiba ro baeay it sangka indibidwal nga nakilaea kay alyas Bilis, 67-anyos, may asawa, ag residente it Brgy. II, Enrile, Cagayan.
Sa nasambit nga operasyon, nakumpiska it mga operatiba it Regional Mobile Force Battalion 2 (RMFB2), kabulig ro RID2, RECU 2, 1st CPMFC, ag Enrile Police Station ro sangka (1) link it caliber 5.56mm kaibahan ro 208 bilog it bala nga naka-butang sa sangka box.
Nabo-oe man sa lugar ro sangka galoon nga may sueod nga 461 bilog it bala it 5.56 nga rifle, ag 77 bala it Cal. 30 carbine rifle.
Nagapangatubang sa kasong pageabag sa RA 10591 (Comprehensive Law on Firearms and Ammunition) nga may kaangtanan sa Omnibus Election Code ro suspek.
