KALIBO, Aklan—Pagataw-an it igtaeopangod ni re-electionist mayor Juris Sucro ro problema sa Kalibo International Airport nga nagtao it kalugihan sa mga negosyante nga nagasalig sa andang pangitan-an sa mga pasahero sa nasambit nga paeoparan.
Raya ro ginpunto ni Sucro sa uman nga pagtao it tyansa kana it mga kalibonhon sa ikaywang termino sa pagkaalkalde kon sa siin naangkon nana ro kabilugang boto nga 31,839 kontra sa anang katunggali nga si dating mayor William Lachica nga may kabilugang 11,537 votes.
Umabante si Sucro it masobra sa 20,000 nga boto kontra sa anang kaengkwentro.
Suno kana, paga-istoryahon nana ro mga provincial leader agud masolbar ro problema sa paeoparan nga pilang bilog eon lang ro mga flights it nagkaeain-eain nga airline companies.
Mag-eowas kara, pagapun-an man sigon nana ro anang mga kakueangan sa unang termino nga pagpungko bilang alkalde it nasambit nga banwa.
Paga-eauman sigon it kalibonhon nga mas doblehon pa gid nana ro pagtinguha nga mapaumwad pa gid ro banwa, padalion ag padasigon ro mga programa agud nga maabo ro makabenepisyo.
