KALIBO, Aklan — Eubus nga nasubuan si Aklan 1st District Congressman Jess Marquez sa temporaryo nga pagpapundo sa mga ginapa-obra nga flood control projects sa probinsiya.
Raya hay matapos ro sunud-sunod nga bagyo nga naka-apekto sa mga revetment wall sa nagkaeain-eain nga banwa it Aklan.
Nakipag-angot eon sigon imaw sa Department of Public Works and Highways (DPWH) Region 6 agud nga mataw-an it remedyo ro mga nag-collapse nga portion it flood control projects eabi eon sa banwa it Banga.
Suportado sigon nana ro tikang ni Pangueong Marcos Jr., nga temporaryo nga pagpapundo sa implementasyon it P300-bilyon nga pondo para sa mga flood control project hasta sa 2026 agud nga matun-an anay ro construction methods ag makaangkon it joint assessment ro lokal nga gobyerno ag DPWH.
Pinaagi kara hay magabueuligan ro mga LGUs ag DPWH sa pagpatuman it mga proyekto it gobyerno ag mapasabat ro tanan nga mga dapat nga magapanabat sa isyu it mga maanomalyang flood control projects.
