KALIBO, Aklan — Sangka resolusyon ro gindihon ni Sangguniang Bayan member Raymar Rebaldo angot sa pagtau it housing assistance sa mga residente nga naga-istar sa mga coastal areas sa banwa it Kalibo nga nabiktima it storm surge.
Suno kana nga nataeupangdan nana nga maabu pa nga mga unit sa pabahay sa Brgy. Briones Kalibo ro bakante.
Posible suno kana nga pagkatapos it selebrasyon it Kalibo Sr. Sto. Niño Ati Atihan Festival hay maga-agto sanda kaibahan ro pilang mga pamilya nga owa eon it maistaran matapos nga samaron it storm surge ro andang baeay sa taeatapan ni Kalibo mayor Juris Sucro agud nga ipaabot ro andang apela.
Nasayuran nga pilang mga units sa pabahay hay ginkandado matapos nga ro pila sa mga benefiacries hay nakaangkon it bayolasyon sa sueundanan nga ginplastar it National Housing Authority ag LGU Kalibo.
Madumduman nga ko 2024, pilang panimaeay ro nasamad sa may parte it Brgy. Mabilo ag Caano Baybay tuga it storm surge.
Dugang pa ni Rebaldo nga nagakinahangean ro mga apektadong pamilya it relocation para sa andang kaeowasan ag pag gastos it dugang sa pagpatindog it baeay.
