Nagaabot sa 131 nga wanted person ro naaresto sa Western Visayas halin Pebrero 1 hasta 15, suno sa datos it Police Regional Office 6 (PRO-6).
Sa kabilugan it 139 operasyon, 28 sa mga nadakpan hay kaibahan sa top 10 most wanted sa rehiyon, samtang 103 mat-a ro nagapangatubang sa mas manabang kaso.
Pinakamaabong naaresto ro Iloilo Police Provincial Office nga may 61, ginsundan it Iloilo City Police Office nga may 26, ag Antique Police Provincial Office nga may 13.
Naging madinaeag-on ro kampanya bangud sa ginpabaskog nga koordinasyon it mga istasyon it pulisya agud tugison ro mga may nakabinbing warrant of arrest.
Gindayaw mat-a ni Josefino Ligan, direktor it PRO-6, ro mga operatiba ag komunidad sa pagbulig sa pagdakop sa tanan it top 10 most wanted sa rehiyon, sa pinaagi it mas ginpabaskog nga barangay intelligence network.
