Naninahan sa alima ro 51-anyos nga si alyas Jane matapos eab-on it anang 28 anyos nga live-in partner sa sueod it andang baeay sa Sitio Bueak, Brgy. Camanci, Batan, gabi-it it domingo Marso 8.
Nakilaea ro suspek nga si alyas Edwin nga insigidang nagpaeagyo matapos ro insidente.
Natabu ro insidente matapos nga makaangkon it mainitan nga diskusyon ro daywa nga nagresulta sa pagbo-oe it sanduko it suspek ag aksidenteng haeabu ro alima it biktima kun sa siin hilong ro anang live in partner.
Nagapadayun pa ro imbestigasyon it kapulisan sa insidente.
Ginaturo nga motibo hay ro pagselos it suspek sa biktima.
Unang gindaea ro babaye sa Altavas District Hospital ag gin-refer sa Aklan Provincial Hospital para sa nagakaigo nga pagbueong.
Padayun pa nga gina-usoy it mga awtoridad ro eaeaki.
