Umabot sa 221 katawo ro naaresto it Police Regional Office 6 (PRO6) sa ginpabaskog nga kampanya kontra sa ilegal nga pagsugae halin Marso 1 hasta it 31, 2026 sa bilog nga Western Visayas.
Nagpatigayon ro pulisya it 93 nga operasyon nga nagresulta sa pagkakumpisa it kapin sa ₱142,052 nga kantidad nga ginamit bilang taya.
Pinakamaabong operasyon ro nailista sa Iloilo City Police Office, ginasundan it Iloilo Police Provincial Office, samtang nakipagbahin man ro iba pang probinsya sa rehiyon.
Suno sa PRO6, kaparte raya it padayon nga pagtapna sa ilegal nga pagsugae nga may kaangtanan sa iba pang krimen.
Nagpadumdom mat-a ro awtoridad nga may kaakibat nga penalidad ro sin-o mang eakot kara.
Gindayaw ni Regional Director PBGEN Josefino D. Ligan ro mga operatiba ag ginpasiguro nga magapadayon ro ginpabaskog nga operasyon sa pakikipagbuligan sa mga lokal nga gobyerno agud mapabilin ro kaayusan ag seguridad sa rehiyon.
