Ginpaidaeom it National Grid Corporation of the Philippines (NGCP) sa Red Alert status ro Visayas Grid halin alas-3:00 it hapon hasta alas-10:00 it gabie ku Mayo 13, 2026.
Raya hay nagakahueugan nga kueang ro kapasidad it kuryente para ma-sabat ro demand it mga komsyumer, nga posibleng magresulta rotational brownout para malikawan ro mas mabahoe nga kahalitan sa grid.
Suno sa NGCP, una sa 2,510 megawatts ro available nga suplay kumpara sa peak demand nga 2,413 megawatts.
Kabilugang 34 nga planta ro apektado, kaibahan ro mga gulpihang nagpundo sa operasyon ag mga uwa nagadaeagan sa bilog nga kapasidad, nga nagresulta sa kakueangan it 862.3 megawatts sa grid.
Nalista ro alerto matapos ro forced outage it pilang planta, kawad-an it suplay halin sa Luzon, ag mataas nga demand sa kuryente sa Visayas.
Sa makaron, na-lift eon ro status apang nagapabilin nga una sa Yellow Alert Status ro bilog nga rehiyon, indikasyon nga limitado sa gihapon ro reserbang kuryente para sa mga uwa ginaeaumang aberya.
