Gina-imbestigahan eon it mga otoridad ro pagkamatay it Memphis Grizzles player nga si Brandon Clarke.
Base sa inisyal nga imbestigasyon it mga otoridad, nasapwan ro 29-anyos nga owa eon it kabuhi sa andang baeay.
Nakakita sigon ro mga otoridad it pilang mga drug paraphernalia.
Ginahueat man it mga otoridad ro resulta it autopsy para masayuran ro pinakarason it kamatayan it Grizzles player.
Ko nagtaliwan nga buean hay gin-aresto si Clarke bangud sa madasig nga pagmaneho it anang saeakyan ag naboe-an man it controlled substance sa Arkansas.
Dag-on 2019 kat nagsueod imaw sa NBA ag naging 21 overall pick it Oklahoma City Thunder matapos kara hay insigida imaw nga na-trade sa Memphis.
Naghampang imaw it pitong season sa NBA nga may average nga 10.2 points , 5.5 rebounds ag 1.3 assists.
