Gin-anunsyo it Commission on Elections (COMELEC) ro pagpatigayon it special election para sa bakanteng puwesto sa House of Representatives it naga-isaeahanon nga distrito it Dasmariñas, Cavite sa maabot nga Agosto 29, 2026.
Suno kay COMELEC Chairperson George Garcia, kinahangean nga magpatigayon it special elections agud mapun-an ro bakante nga pwesto sa Kamara matapos nga ginpahalin ro dating kongresista nga si Kiko Barzaga.
Nakataeana man nga magpueong ro poll body kaibahan ro mga puwersa it lokal nga gobyerno ag iba pang ahensya sa Cavite agud nga siguraduhon ro maayos ag eowas nga eleksyon.
Ginpahayag man it COMELEC nga igapaguwa nanda sa masunod nga mga inadlaw ro official calendar of activities, kaibahan r petsa it filing it certificate of candidacy, campaign period, election period, ag gun ban.
Ginpahayag pa ni Garcia nga nakapadaea eon imaw it sueat kay President Ferdinand Marcos Jr. agud ipahisayod nga nagakinahangean ro COMELEC it P191 milyon para sa pagpatigayon it nasambit nga eleksyon.
