Nag-deactivate eon it anang Instagram account ro Filipino-American pageant titleholder nga si Brandon Espiritu matapos umani it grabeng batikos sa social media angot sa anang pahayag sa mga ginatawag nga “halfies” ukon mixed-race Filipino contestants.
Si Espiritu, nga nag-represent sa Pilipinas sa 2024 Mister Supranational pageant sa Poland ag nagtapos bilang second runner-up, hay ginpuna matapos sabton ro sangka netizen nga nagpangutana kun ham-an nga owa imaw nagkanta it Tagalog song sa sangka video kaibahan ro iba pang international candidates.
Sa anang sabat, ginhambae nana nga “Tell that to all the front runners for the Philippines. This country wouldn’t have a chance on the national stage without us halfies.”
Insigida raya nga nagpa-alsa sa kilay it mga pageant fans ag negatibong reaksyon sa publiko, kun sa siin maabung netizens ro naghambae nga gina-ismol kara ro mga full-blooded Filipino contestants ag nagatau it impresyon nga mas may edged ro mga mixed-race candidates sa international pageantry.
Kasunod it kontrobersiya, nataeupangdan it mga netizens nga nagnaba man ro anang Instagram followers halin sa masobra sa 214,000 hasta sa kapin sa 198,000 eon lang antes eubusan nga gin-activate ro anang account.
Mag-eowas kay Espiritu, nadaeahig man sa isyu ro kaparehong Fil-Am pageant titleholder nga si Jether Palomo matapos nga magkomento sa sangka post nga imaw hay magapanumpa it katamparan sa bandira it Estados Unidos, nga mas pang nagpainit sa ueo it mga Filipino ag nagtau it diskusyon online angot sa mga “halfies” nga gina-represent ro Pilipinas sa international pageant.
Kaibahan sa mga kaparehong sa pageant nga nagpuna sa saea nga pagbinatasan it dating title holder nga sanday Miss Universe Philippines 2025 first runner-up Wynwyn Marquez, Miss Grand International 2024 first runner-up CJ Opiaza, Filipino-Palestinian beauty queen Gazini Ganados, ag aktres ag beauty queen Stacey Gabriel.
