Ginpasaka eon it Office of the Ombudsman ro kasong plunder sa Sandiganbayan kontra kay Sen. Rodante Marcoleta angot sa P75 milyong campaign contributions nga gina-alegar nga owa nana gindeklara sa anang Statement of Contributions and Expenditures para sa 2025 senatorial elections.
Ginkasuhan man it plunder, indirect bribery, ag pageabag sa presidential decree nga nagabawae sa public officials nga magbaton it regalo ro mga campaign donor ni Marcoleta nga sanday dating congressman Michael Defensor, ag mga negosyanteng sanday Joseph Varias Espiritu ag Aristotle Baluyut Viray.
Ko ulihing parte it Mayo, ginpasugtan it Sandiganbayan ro hinyu it Ombudsman nga magpaguwa it precautionary hold departure order kontra sa ap-at samtang sa preliminary investigation pa ro plunder complaint.
Suno sa Ombudsman prosecutors, unjustly enriched sigon si Marcoleta matapos batunon ro “unconscionable” nga P75 milyong regalo halin sa tatlong indibidwal.
Ginpahayag it mga prosecutor nga maskin nga ginpahayag sigon ni Marcoleta sa mga interview nga nakabaton imaw it P75 milyon bilang campaign donations, owa raya nakabutang sa anang 2025 Statement of Assets, Liabilities and Net Worth ukon sa anang SOCE para sa 2025 Senate bid.
