Nagahirit ro pilang transport group it dugang nga P2 sa minimum nga pamasahe kasunod it padayun nga pagtaas it presyo it produktong petrolyo tuga it naga-grabeng tensyon sa Middle East.
Suno kay MANIBELA chaiperson Mar Valbuena nga bukon it bastante ro planong P1 fare increase agud nga mabawi ro mabahoe nga pagkalugi it mga drayber ag operator nga naeksperyensiyahan umpisa pa ko buean it Marso.
Ginpamilit it MANIBELA ag ACTO president Libay de Luna nga kinahangean eon nga aprubahan ro mas mataas nga minimum fare agud nga makabulig sa pangabuhian it mga drayber.
Suno kanda nga ro P2 nga dugang nga pamasahe hay makapataas it andang adlawan nga take-home pay it ginaboeobanta nga P150 hasta P200. Ginhinyu man nanda nga mapadayun ro pagtau it ayuda sa sektor it transportasyon.
Samtang, ginatun-an it mga transport group ro pagpatigayon it nationwide transport strike kun magapadayun ro sunud-sunod nga pagtaas it presyo it langis. Ginaboeobanta nga kapin sa 100,000 drayber ag operator ro posibleng magpasakop sa tigil-pasada.
Nakataeana man nga makipagpueong ro MANIBELA sa Land Transportation Franchising and Regulatory Board (LTFRB) sa Hulyo 21 agud nga talakayon ro andang hinyu para sa dugang nga pamasahe.
