Ginpamalibaran ni Pangueong Ferdinand Marcos Jr. ro pabangod ni Vice President Sara Duterte nga ro anang administrasyon ro una sa likod it mga alegasyong nagatuyo nga samara ro bise presidente, ag ginhangkat raya nga magpaatubang it ebidensiya.
Ginkutana ro presidente angot sa akusasyon ni Duterte nga may kaangtanan ro administrasyon sa mga pahayag ni Rodulfo Gracioso Jr., ginsibak nga pulis nga nag-ako nga tagahatod it mabahoe nga kantidad it kwarta sa bise presidente ag sa mga miyembro it pamilya kara.
Gin-insister it presidente nga kinahang-ean maihathat anay ro mga ebidensiya ag matumod ro kamatuoran bago maghimo it konklusyon angot sa mga alegasyon kontra sa sin-o mang opisyal it gobyerno.
Ginpahayag pa ni Marcos nga uwa nana maid-id nga ginasubaybayan ro mga isyung pampolitika nga ginakaeakutan ni Duterte, kaibahan ro impeachment proceedings kontra sa bise presidente, bangud sa nakatutok imaw sa pagtuman sa anang mga obligasyon bilang presidente.
