Naninahan ro ap-at nga katawo matapos tamaan it kilat samtang nagapanilong sa sangka temporaryo nga waiting shed sa katung-anan it mabaskog nga pag-uean sa Sitio Kansay, Barangay Maasin, Sibalom, Antique, bandang alas-12 hasta ala-1 it hapon, adlaw it Miyerkules, Oktubre 14.
Suno kay Broderick Gayona-Train, head it Provincial Disaster Risk Reduction and Management Office ukon PDRRMO-Antique, nagatumpok nga nagapanilong ro mga biktima kat tinamaan it kilat .
Bangud sa insidente, sambilog sa mga raya ro nag-angkon it paso sa eawas samtang ro tatlong iba pa hay nag-eain ro pamatyag ag nasunog ro eambong rason nga insigidang gindaea sa ospital .
Ginpahayag ni Train na naka-eksperyensiya it isolated thunderstorm ro probinsiya kat matabu ro insidente.
Samtang, laygay kara nga engkaso nga may kilat ag sa guwa it baeay, likawan nga magpanilong sa idaeum it puno it kahoy, magpaeayo sa mga open field, ag obrahon ro lightning safety crouch ukon mag-squat sa manabang lugar, ipingon ro siki, magpiyong ag takpan ro dueunggan.
