KALIBO, Aklan—Ro Amerika ro may pinakamataas nga foreign tourist arrivals sa Isla it Boracay sa unang daywang domingo it Marso.
Base sa pinaka-ulihing datos it Malay Tourism Office, ro top 3 markets hay USA nga may 106, sumunod ro Canada nga may 31 ag United Kingdom nga may 28.
Sa kabilugan nga nailistang 59,109 nga inbound visitors, 498 kara ro mga dumueuong.
Suno kay Felix delos Santos, Chief Tourism Operations Officer, ro nasambit nga numero hay maeayo pa sa andang record antes ro pagpanaeasa it pandemya, apang sambilog sigon raya nga positibong bagay para sa amat-amat nga pagbangon it turismo sa Boracay sa idaeum it new normal.
Sa makaron hay ginapahauman eon man sigon nanda ro mas pang paglobo it mga turista kasunod it pagsueod eon it summer season eabi eon it mga dumueuong nga turistang naghalin sa mga nasyon sa Asya partikular ro mga Koreano, Chinese , Taiwanese ag iba pa.
