Kalibo Aklan —— Nagapadayun pa sa makarun ro assessment it Local Government Unit sa probinsya it Aklan angot sa pagahimuon nga desisyon kung iga-extend pa ro ginapatuman nga Enhanced Community Quarantine ukon I-modify eamang raya.
Suno kay Aklan Governor Florencio Miraflores nga una pa eamang sanda sa assessment period.
Raya man suno pa kana hay paga-istoryahan it mga Municipal Mayor sa bilog nga probinsya ag Aklan Medical Society.
Ginpahayag dugang nga maski pang naka-modify ro ECQ magapabliin nga sarado ro mga boarder pasueod ag pagguwa sa probinsya.
Raya hay agud nga malikawan nga may makasueod maghalin sa ibang probinsya nga posibleng maging carrier it sakit.
Nakadepende man sigon sa resulta it assesment kung pagahaeugaan eun ro ECQ.
Kung matabo pilang ka mga negosyo sigon ro pagapasugtan nga magbukas ag pwede man nga magbyahe ro pilang ka mga saeakyan.
Samtang, ginklaro man ni Aklan Governor Florencio Miraflores nga nagbakae ro gobyerno probinsyal it tatlong ka mga mechanical ventilators ag sangka set it laryngoscope para sa padayun nga pakikipagsokoe sa coronavirus disease (COVID-19)
Suno pa kana nga raya hay ginbase man sa rekomendasyon it mga doktors ag nurses.
Ginaeauman man nga madugangan pa raya it ap-at nga bilog.
Samtang, ginpasiguro man kara nga padayon ro andang pagtinguha agud nga mataw-an it nagakaigo nga gamit ro mga healthworkers.
Nasayuran nga ro nasambitan nga mga gamit hay ginturn- over eun sa Dr. Rafael S. Tumbucon Memorial Hospital (DRSTMH) nga sa makarun hay ginakabig nga COVID facility it probinsya.
