KALIBO, Aklan—Pabor ro sangka batikang abogado sa Aklan sa ginaduso it manabang kapueongan it kongreso nga House Bill 6398 ukon ro Maharlika Wealth Fund.
Suno kay Atty. Axel Gonzales nga tuyo it nasambit nga laye nga makaangkon ro Pilipinas it manami nga external standing sa ibang mga nasyon.
Bangud nga maabu ro nagakontra nga gamiton ro pondo it government financial institution kapareho it pension fund it SSS ag GSIS, pwede man nga maging source of fund ro mga mabahoe nga banko sa nasyon nga haum nga mag-kapital kara.
Samtang nagapati si Atty. Gonzales nga indi maeakutan it korapsyon ro MWF bangud nga mag-eowas kay Pangueong Ferdinand Marcos Jr. nga magatindog bilang chairman of the board, ro iba pang mga miyembro hay mga technocrats kun sa siin ginataw-an it importansiya ro andang integridad.
Nagapati man si Atty. Gonzales nga bangud sa panindugan ni PBBM angot sa “sovereign wealth funds” hay maaprubahan raya.
