Nagtaeana eon ro Department of Justice it officer-in-charge sa Bureau of Immigration kasunod it diritso nga pagpahalin kay dating Commissioner Norman Tansingco.
Si Atty. Joel Anthony Viado, ro nagasirbing Deputy Commissioner it ahensya. Si Viado ro temporaryong magapamuno sa BI hasta sa makataeana si Pangueong Ferdinand Marcos Jr. it opisyal nga magapungko sa binakanteng posisyon ni Tansingco.
Samtang, base sa naging pahayag ni Justice Sec. Jesus Crispin Remulla, indi maapektuhan ro serbisyo it BI sa pihak it gulpihang paghalin ni Tansingco sa posisyon.
Nagasalig ro opisyal sa kapasidad ni Viado nga pamunuan ro Immigration bilang Temporaryo, samtang, naga pili pa si PBBM it magiging Commissioner kara.
Si Tansingco ro nagsirbing komisyoner it Immigration kat nakatakas ro kampo ni Alice Guo ag pilang buean pa ro nagtaliwan bago nasayran it otoridad.
Una eon mang binatikos ni Remulla ro gipahalin it commissioner bangod sigon sa bigo raya nga bantayan ro pagtakas nanday Guo.
Pamilit kato ni Remulla, kanahang-ean nga maimbetigahan ro natabo nga eskapo ag sayuron kung may mga BI personnel nga naging kaibahan o nagbulig agod nga makaguwa it nasyon ro grupo ni Guo.
