KALIBO, Aklan—-Nagapati si dating provincial board member ag kilaeang political analyst sa Aklan nga si Atty. Harry Sucgang nga magapadaeagan gihapon bilang alkalde it Kalibo si mayor Juris Sucro .
Raya hay sa pihak it anang kagustuhan nga magpa-ilihir bilang kongresista sa unang distrito it probinsiya .
Imposible sigon nga mag-partner sanda ni governor Joen Miraflores bangud nga naka-commit eon ro gobernador kay congressional aspirant Jess Marquez, unga ni imcumbent Aklan first district congressman Carlito Marquez .
Dugang pa nga owa eon imaw it iba pang paga-asikasuhon sa anang kandidatura sa idaeum it Tibyog-Akean kumpara kon mag-ober-da-bakod sa partido ni Aklan 2nd district congressman Ted Haresco nga bukon pa it stable ukon mabakod.
Pilit sigon nga gina-engganyo it anang mga kaalyado si mayor sucro nga magpadaeagan bilang congressman eabi eon ro mga naga-aspirar nga maging mayor sa nagkaeain-eain nga banwa sa unang distrito agud nga makapangayo kana it pondo para sa kampanya.
Sa pihak nga parte, ro sigurado sigon makaron hay ro pagpadaeagan ni dating governor Joeben Miraflores bilang kongresista sa ikaywang distrito nga posibleng maka-bangga ro anang igkampod nga si imcumbent congressman Ted Haresco.
