BALITA Espesyal– Sangka 49-anyos nga babaye sa Thailand nga gineaum nga patay eon ro ginkibot ro anang pamilya matapos imaw nga bumangon samtang ginahatud sa anang pagahamyangan.
Ko Hunyo 29, nakasakay sa sangka paramedics van ro cancer patient nga si Chataporn Sriphonla para ihatud halin sa ospital paagto sa anang baeay sa Udon Thani province.
Samtang sa katung-anan it biyahe, nagpundo sa pagginhawa si Chataporn ag gindeklara it mga paramedics nga owa eon it kabuhi.
Bilang mga Buddhist, nagdesisyon ro pamilya nga insigidang i-cremate sa mas madali nga tiempo si Chataporn.
Madasig nga nakipag-coordinate ro pamilya kara sa Buddhist temple nga Wat Sri Phadung Pattana para idtu pagahiwaton ro cremation.
Mag-eowas kara, nakabakae eon ro pamilya it kabaong ag nakapag-setup eon ro mga staff it temple sa lugar nga pagahiwatan it lamay.
Apang samtang ginahatud paagto sa temple ro eawas ni Chataporn, gulpi raya nga naghueagok ag gin-muk-eat ro anang mga mata.
Imbis nga ihatud sa pagalamayan, madasig nga gindaea si Chataporn sa Ban Dung Crown Prince Hospital.
Sa makaron, under medical supervision si Chataporn ag ginahueat nga maging stable ro anang kahimtangan.
