NATIONAL News — Gintukod ni Pope Francis ro bag-o nga diocese sa Pilipinas nga ginatawag nga Diocese of Prosperidad sa Agusan del Sur.
Ginpili it Santo Papa si Bishop Ruben Labajo nga nagaserbe nga auxiliary bishop it Archdiocese of Cebu bilang kauna-unahan nga bishop it bag-o nga ecclesiastical territory.
Raya ro gin-anunsyo it Vatican, adlaw it Martes, Oktubre 15.
Ro bag-o nga diocese nga ginbo-oe halin sa Diocese of Butuan ro magasakop sa probinsya it Agusan del Sur, samtang ro Diocese of Butuan hay igapaidaeum sa probinsya it Agusan del Norte.
Ro desisyon it Santo Papa nga tungaon ro Diocese of Butuan hay nag-ugat sa petisyon nga gin-dihon ni Bishop Cosme Damian ko 2023.
Raya ro magiging ika-87 nga diocese sandig sa pahayag it Catholic Bishops’ Conference of the Philippines (CBCP).
Ro Diocese of Prosperidad ro magiging suffragan it Archdiocese of Cagayan de Oro.
Ro 58 anyos nga si Labajo hay gin-consecrate bilang bishop ko 2022. Imaw ro nagserbe bilang pari sa Cebu umpisa nga imaw hay gin-ordinahan ko 1994.
