NATIONAL News — Ginhinyu ni Senador Risa Hontiveros sa Social Security System (SSS) nga punduhon ro plano nga pagpatuman it pagtaas it ginabayaran nga kontribusyon it miyembro bangud nga owa man nagataas ro sweldo it mga obrero.
Sa pagdihon it Senate Resolution No. 1269, ginpahayag ni Hontiveros nga kinahangean nga imbestigahan ro SSS contribution hike.
“Habang pababa ng pababa ang halaga ng kinikita ng ating mga kababayan nitong mga nakaraang taon, pataas ng pataas naman ang investment earnings ng SSS. Saan naman nila dadalhin itong super tubo na ‘to? Baka magulat na lang tayo at ilagay nila ‘yan sa Maharlika Fund,” ayon kay Hontiveros.
Dugang pa nana nga nag-abot eon sa P100 billion ro net income it SSS ko 2024 ag nag-abu pa ro contributors it haeos 30 percent, kamana man nga nag-eawig pa ro fund life kara hasta 2053.
Bangud kara, makita suno kana nga masarangan it SSS nga indi anay mangolekta it increase.
Nagpaandam si Hontiveros nga kon padayunon ro pagtaas it haega it kontribusyon, mas magabug-at ro paeas-anon it ordinaryong trabahador ag pilang middle class.
Ginpahayag pa ni Hontiveros nga dapat magpatigayon it nagakaigo nga pagtuon ro SSS angot sa planong pagpataas it kontribusyon agud nga ibalanse ro interes it ordinaryong obrero sa actuarial life it state insurer.
Kabay suno kana nga magapabilin nga salbabida ro SSS sa mga tiempo it pagkinahangean, imbes nga mas pang magpa-eubog sa mga miyembro kara.
