KALIBO, Aklan—Gindeklara ro banwa it New Washington nga hilway eon maghalin sa epekto it pagpanaeasa it African Swine Fever.
Sa ginpaguwa nga Executive Order No 037 series of 2024 nga pirmado ni New Washington mayor Jessica Panambo, ro nasambit nga deklarasyon hay kasunod it maid id nga pag estudyo sa mga ginsiumiteng dokumento nga kinahang-ean para sa lokal nga deklarasyon it African Swine Freedom it Department of Agriculture it Wetern Visayas.
Bangud kara, hilway eon nga mag-alaga it uman it baboy ro mga pumueoyo eabi eon ro mga nalugi ko tyempo it pagpanaeasa it sakit sa baboy.
Madumduman nga maabo ro ginculling nga mga baboy ag ro iba hay mismong ro mga tag-iya eon ro nagpatay bangud sa inde eon mapuslan ro andang alagang sapat bangud sa tinamaan raya it African Swine Fever.
