KALIBO, Aklan—Amat-amat eon nga nakabangon ro isla it Boracay halin sa pagbagsak it tourist arrivals ko nagtaliwan nga dag-on bangud sa Coronavirus Disease 2019 ukon Covid-19 pandemic.
Base sa record it Malay Tourism Office, nakalista it kapin sa 181,232 nga domestic visitors umpisa enero hasta oktubre it makaron nga dag-on.
Suno kay Felix Delos Santos,Chief Tourism Operations Officer nga umpisa Nobyembre 1 hasta 7, ro mga bisita nga nag-abot hay kapin sa 13,134 eon ukon owa naganaba sa 1,000 kada adlaw.
Kaibahan sa mga pinakamaabung turista sa isla ro naghalin sa national capital region ukon NCR ag NCR plus.
Dugang pa ni Delos Santos nga naga-pick-up man ro mga turista nga naghalin sa cebu matapos nga makaangkon it direct flight halin sa cebu paagto sa Caticlan Airport.
Padayun sigon ro andang pag-asiste sa uman nga pagbukas it pilang nga tourism establishments sa idaeum it “new normal” nga ginatawag.
Ginpasiguro ma n kara nga hugut ro andang monitoring kabulig ro mga law enforcement agencies sa pagpatuman it minimum health standards nga gintaeana it national and provincial governments.
Nagapabilin sigon nga bawae pa ro operasyon it mga disco bars agud mga malimitahan ro hueag it mga tawo ag mapatuman ro physical distancing.
Sa mga closed door establisiments, ginapasugtan ro 50% capacity samtang sa open gatherings hay 70%.
