Nagpasaeamat ro pila ka miyembro it Brazil women’s volleyball team sa Pinoy fans nga padayon nga nagasuporta sa andang kampanya sa 2024 Paris Olympics.
Manami ro ginahampang it Brazil sa Paris Games nga kasaeukuyang may 2-0 rekord sa Pool B kaibahan ro Poland (2-0), Japan (0-2) ag Kenya (0-2).
Bastante eon ro daywang pagdaog it Brazil para makasueod sa quarterfinals. Sa kada hampang it Brazil, nakakabaton raya it solid nga suporta hali sa Pinoy fans sa venue man o sa social media.
Kaya mab ahoe ro pagpasaeamat it mga players kara sa Pinoy fans bangod mabahoe ro nangin titulo kara para mapabaskog ro andang kumpiyansa sa kada hampang. Nagpaabot pat pagpasaeamat si Rosemarie Montibeller sa sangka video.
Sayod eon ni outside hitter Gabi Guimaraes ro mainit nga pagpalangga it Pinoy fans bangod naghampang eon raya sa Pilipinas sa sangka torneo. Nag antiguhan eon raya nga palanggaon ro Pilipinas bangod sa suportang nababaton kara sa andang social media.
Nagpaabot man pagpasalamat para sa mga Pilipino si middle blocker Thaisa Menezes nga sambilog sa pinakabeteranong miyembro it Brazil national team.
