-- ADVERTISEMENT --
Napas-eawan nga makaabante sa semifinals ro boxer nga si Carlo Paalam matapos mapyerde via split decision kontra kay Charlie Senior it Australia sa quarterfinals it men’s featherweight sa Paris Games 2024.
Manami ro ginpakita ni Paalam sa kada round apang uwa naging bastante para masiguro ro medalya.
Indi matupungan ro inspirasyon nga gintao ni Paalam sa mga kababayan sa pagsabak sa ikaywa nana nga quadrennial event.
Sa mensahe it boksingero, uwa man naging pabor kana ro resulta apang taas-noo gihapon imaw nga nakipag-engkwentro ag ginhimo sigon kara ro tanan nga anang masarangan para sa bayan.
Eubus man ro anang pagpasaeamat ag sa uwa it sawang suporta ag pangamuyo para kana ag sa tanan nga atletang sumabak sa Paris Olympics 2024.
-- ADVERTISEMENT --
