Sa pihak it nagapadayon nga paghueuyapan it boto para sa eleksyon makaron nga dag-on, nagpaabot eon it pagtamyaw ro China sa dating Senador na si Ferdinand “Bongbong” Marcos Jr. ag running mate kara nga si Davao City Mayor Sara Duterte- Carpio nga parehong nagapanguna sa presidential ag vice presidential race.
Gintamyaw man ni Chinese foreign ministry spokesperson Zhao Lijian ro smooth presidential election it nasyon kasunod it pagpaabot it timprano nga pagtamyaw sa mga nagapanguna nga kandidato sa daywang mataas nga posisyon sa gobyerno it nasyon.
Nauna eo nga gin-anunsyo ni presumptive president Bongbong Marcos nga anang pagapadayunon ro naumpisaha ni Pangueong Rodrigo Duterte nga mga polisiya may kaangtanan sa relasyon it Pilipinas sa China.
Samtang, nauna eon man nga nagpahayag ro longstanding ally it nasyon nga ro Estados Unidos it andang pag-eaum kung sin-o ro mga iga-ilihir nga bag-ong pangueo ag ikaywang pangueo it Republika it Pilipinas.
