Nagapati si dating Senator ag Justice Secretary Leila de Lima nga may sayod man si PLtCol. Jovie Espenido sa ginasugid nga pagdawit kana dati sa negosasyon it ilegal nga droga.
Ginhimo ni de Lima ro pahayag kasunod eon man it testimonya kahapon ni self-confessed drug lord Kerwin Espinosa sa hearing it Quad Committee it Kamara de Representantes.
Nagapati si de Lima nga maskin nga dati eon nga tumestigo si Espenido sa mga nakataliwan nga hearing it Quad Comm, maabo pa kara ro nasasayran angot sa mga iregularidad sa kampaniya kontra iligal nga droga it nakataliwan nga administrasyon.
Partikular nga ginatumod it dating Senadora ro unang mga pahayag ni Espenido ko tyempo ni dating PRRD nga ginasugid nga illegal drug protector si de Lima.
Madomduman sa unang pagtestigo ni Espenido sa Quad Committee hay gin-ako kara ro ginasugid nga planadong pagpatay sa illegal drugs personalities sa idaeom it ‘qouta and reward system’ nga ginpatuman it PNP.
