KALIBO, Aklan—Nakatipon it masobra sa 1,000 ka mga posters ag tarpaulins it mga kandidato ro Commisssion on Elections ukon Comelec sa bilog nga probinsya it Aklan sa pag-arangkada it andang “Operation Baklas” kadungan sa pag-umpisa it campaign period sa national level.
Suno kay Crispin Raymund Gerardo, tagapaghambae it Comelec Aklan nga ro nasambit nga mga materials uwa nakabutang sa common poster area kamana man uwa nagasunod sa tama nga sukat.
Ginpanindugan pa ni Gerardo nga inde nanda pag-itolerar ro makabig nga illegal campaign materials ag hugot nanda nga pagasundon ro ginmando kanda it komisyon.
Kada eleksyon, inde malikawan nga maabong kandidato ro naga-eabag sa laye angot sa pagkabit ag pagdukot it andang mga posters kon sa siin makit-an pa ro iba kara sa mga punongkahoy nga eubus nga ginabawaean.
Samtang, gin-engganyo man ni Gerardo ro mga kandidato nga maggamit it environmental-friendly campaign materials para maprotektahan ro palibot.
