Uwa gihapon nababaton it Department of Agricuture (DA) ro resolusyon halin sa National Price Coordinating Council (NPCC) para sa nakataeana kunta nga deklarasyon it ‘food security emergency for rice’.
Matandaan abi nga makaron nga adlaw nakataeana kunta ro deklarasyon kara para marelease ro mga stocks nga una sa warehouses it National Food Authority (NFA) ag para daeayon eun kunta nga maibaligya sa mga local government units ag maging sa mga government agencies kapareho it Philippine National Police (PNP) ag Armed Forces of the Philippines (AFP) ro mga nasambit nga NFA rice.
Pilang bahin man it tone-toneladang stocks ro gamiton sa mga Kadiwa Kiosk ag ibaligya sa haega nga P38/kilo.
Ginabuebanta man nga magabuhay it tatlong adlaw adlaw ro magiging deliberasyon ag pag-eksamina sa ahensya sa nasambit nga resolusyon kun mabaton eun it andang departamento ro mga kaukulang papeles.
Samtang, padayon man ro DA sa paghueat sa resolusyon ag target gihapon makaron nga domingo hay maanunsyo ro food emergency para sa bugas.
