Suportado it pamunuan it House of Representatives ro naging desisyon ni Pangueong Ferdinand Marcos Jr. nga rebyuhon ag i-delay ro pagpirma sa 2025 General Appropriations Bill.
Suno kay House Appropriations Committee Chairman Zaldy Co, ginarespeto it Kamara ro desisyon it Punong Ehekutibo nga igapaidaeom sa metikulosong pag rebyu sa provisions nga nakasueod sa General Appropriations Bill.
Suno kay Co, naintindihan nanda si Pangueong Marcos bangud sa anang commitment nga masiguro ro national budget nga naka linya sa prayoridad it anang administrasyon.
Suno pa kana nga ro desisyon it presidente nga ipaiway ro pagsalaye it badyet hay pamatuod it anang dedikasyon sa transparency ag saeabton.
Sa pinaagi it pag-usisa sa proposisyong P6.352-trillion pesos nga budget, tuyo it administrasyon nga masigurong maayos ag responsible ro pagtaeana it pondo it publiko.
Gin-insister ni Co ro kahauman it Kongreso nga kapin pang makipagbuligan sa proseso it pag-usisa ag nakahaom nga magtrabaho kaibahan ro Presidente agud pinuhon ro badyet para sa interes it Pilipino.
