NATIONAL News — Nagpakita sa publiko sa kauna-unahan nga kahighayunan umpisa ko buean it Marso si Department of Justice (DOJ) Secretary Jesus Crispin “Boying” Remulla matapos ro mga komplikasyon sa anang ikamayad nga eawas nga nagresulta sa binuean nga physical absence sa anang ahensya.
Ko Miyerkules, ginpangunahan ni Remulla ro DOJ rules sa criminal investigation sa Malacañang, kaibahan si President Ferdinand Marcos Jr.
Owa imaw nagtau it mensahe ukon nag-atubang sa press pagkatapos it event, ag gin-designate sanday undersecretaries Jesse Hermogenes Andres ag Raul Vasquez sa pag-atubang sa media.
Si Remulla hay nauna eon nga nagpaidaeum sa bypass surgery agud nga boe-on ro nagabara sa anang tagipusuon ko Hunyo it nagtaliwan nga dag-on ag nag-angkon it complications sa anang immune system.
Ko Nobyembre, ginpahayag it DOJ nga nag-angkon imaw it “minor medical emergency.”
Ulihi imaw nga nakit-an sa publiko ko Marso kat ginduso nana nga buksan it uman ro mga kaso kontra kay Apollo Quiboloy.
Nauna eon nga ginpahayag ni DOJ Assistant Secretary Mico Clavano nga si Remulla hay naga-work from home ag pirmeng nagapakig-angot sa anang subordinates sa pihak it anang physical absence.
