BUSINESS News —- Ginaeauman it Department of Labor and Employment (DOLE) nga maipaguwa eon ro desisyon para sa mga petisyon nga pataasan ro minimum wages sa bilog nga nasyon antes ro Mayo.
Suno kay DOLE Assistant Secretary Dominique Tutay, nagahueag eon ro mga regional wage board ag nagtau eon man ro DOLE it giya sa mga raya ag may mandu eon si Labor Secretary Silvestre Bello III nga padasigon ro proseso.
Nauna kara, nagpatigayon ro labor unions alliance nga Unity for Wage Increase Now! it protesta sa National Capital Region Wage Board office para sa approval it andang petisyon nga P750 pesos nga minimum wage.
Antes kara, ginmandu ni Bello sa Regional Tripartite Wages and Productivity Boards sa bilog nga nasyon nga i-review ro minimum wages, bangud nga ro presenteng P537 pesos nga daily minimum wage sa NCR hay posibleng bukon eon it bastante para sa mga commodities.
