Madinaeag-on nga hapatigayon ro Drums and Bugles Competition ku Huwebes nga adlaw.
Suno kay Sangguniang Bayan Member Ketchie Luces nga ku 1985 ro unang kompetisyon para sa nasambit nga aktibidad ag napundo sigon ngani hay ginduso nana nga maibalik.
Plano sigon nanda nga hiwaton eun kada dag-on ro aktibidad pero tinguhaan nga gabei igapatigayon.
Paliwanag nana nga gintaw-an it budget nga P200,000 sa annual budget ro nasambit nga aktibidad hasta sa naipasa it uwa it pagkwestiyon ag magapadayon eun.
Makasueobo eamang nga medyo sukod ro oras ag pinansiyal it mga ibang partisipante ngani uwa hadayon ro iba makaron nga dag-on.
Gasalig man si SB Luces nga maging attraction raya nga klase it aktibidad nga hiwaton kada buean it Nobyembre it kada dag-on.
Panugiron nana nga maabo ro mga preparasyon para matabo ro aktibidad.
Ro numero sigon it kada banda ag majorettes hay indi magnaba sa 25 hasta 80.
Ginbasehan ro musika ag execution it musika ro sambilog ag nagapanguna nga criteria para masayuran ro magadaog ag dugang pa ro mga costumes ang ibang detalye pa.
Samtang sa pihak nga parte, nagdihon man imaw it resolution nga taw-an it pokus ro dengue ag leptospirosis.
