Naglista ro Department of Social Welfare and Development (DSWD) Region 6 it mga naapektuhang pamilya sa nagtuhaw nga mga pagbaha sa pilang banwa sa probinsya it Aklan.
Suno kay John Angelo Miranda, information officer it nasambit nga taeatapan, probinsya it Aklan eamang ro nag-lista it mga nahalitan sa pilang adlaw nga pag-inuean.
Dugang pa nana, base sa andang dromic report ku Perbero 8 it alas-4 it hapon, nakalista sanda it 2,989 ka mga apektadong pamilya ukon 8,098 ka mga indibidwal haln sa 38 ka mga kabarangayan sa probinsya.
Nalista man sigon ro kabilugan nga 43 ka mga indibidwal nga temporaryong nag-tinir sa evacuation center, samtang 106 man ka pamilya ukon 375 ka indibidwal ro mga displaced families apang raya hay mga ginakabig nga ‘outside easy’ ukon mga nag-bakwit sa ibang mga panimaeay.
Sa makaron, uwa pa sanda it ginpanao nga Family Food Packs (FFP) ag mga ready-to-eat food items bangud nga nagahueat pa sanda it dromic report halin sa mga lokal nga gobyerno para sa request it assistance.
Ginpasiguro man ni Miranda, nga apisar uwa sanda it mabaton nga report sa mga LGUs, may mga naka-preposition ukon naka-imbak nga mga relief, kun sa siin may una nga 17,143 reliefs sa probinsya it Aklan.
Padayon sigon sanda nga naga-monitor ro andang taeatapan sa tanan nga oras.
