Umabot sa ikaywang alarma ro sunog nga nag-eontad sa may bahin it Archbishop Gabriel Reyes St. cor. Acevedo St., Poblacion, Kalibo, bandang alas-10 it agahon, Pebrero 22, 2026.
Suno kay FO2 Baldomero Imperial, acting chief intelligence and investigation officer it Bureau of Fire Protection ukon BFP-Kalibo, raya nga tikang hay agud nga makapangayo it dugang nga back-up sa mga kaeapit nga BFP station para matapna eagi ro kaeayo bangud nga may mga kaeapit pang establisyimento ro DX printing shop nga ginapanag-iyahan ni Dexter Edaño.
Base sa damage procedure manual it BFP, ginatantya nga nagaabot sa masobra P3 milyon pesos ro gin-aywanan nga halit it nasambit nga sunog.
Sa inisyal nga imbestigasyon it BFP, nakitaan nga posibleng nakaangkon it problema sa connection it kuryente sa anda nga circuit breaker.
Apang, padayon pa nanda raya nga ginaimbestigahan agud nga matumod ro tul-id nga ginhalinan it kaeayo.
