KALIBO, Aklan—Ginklaro ni Fr. Tudd Belandres, kora paroko it St. Jhon the Baptist Cathedral nga uwa sanda nagpaguwa it anunsyo nga pwede eon magbaton it tumueo-o ukon parishoners ro simbahan.
Raya hay kasunod sa nakabaehag sa sangka facebook page nga bukas eon ro simbahan para sa pagbaton it mga manugsilimba.
Suno kay Fr. Belandres, ginasunod nanda ro executive order nga ginpaguwa ni Aklan Gov. Florencio Miraflores kon sa siin hugot pang ginabawaean makaron ro mass gatherings kaibahan eon kara ro religious activities.
Fake news sigon ro nasambitan nga impormasyon bangud nga ginaengganyo gihapon nanda ro mga tumueo-o nga magsimba anay pinaagi sa pagpamati it misa sa radyo ag magpamantaw sa cable tv.
Ginpahayag dugang nga uwa pa it ginapasugtan makaron nga maskin anong aktibidad it simbahan mag-eowas sa ginapatigayon nga misa kada adlaw.
