Kadungan it ginaeauman nga pagpaguwa sa bakuna kontra sa African swine fever (ASF) makaron nga buean para sa mass trial, nag-apela si Philippine Chamber of Agriculture and Food Incorporated president Danilo Fausto nga ilibre ro distribusyon it mga nasambit nga bakuna sa mga backyard hog raiser.
Raya hay kon matapos eon ro commercial trial ag daeayon nga pasugtan ukon buksan eon sa commercial distribution.
Suno kay Fausto, ro commercial availability it bakuna hay sigurado nga daeayong magaduea sa African Swine Fever.
Kapin sa 60 porsyento it pork supply sa Pilipinas hay nagahalin sa mga backyard hog raisers.
Ginrekomenda ni Fausto nga pas-anon eon lang anay it mga commercial pork producer ro bayad it African Swine Fever vaccine nga pwedeng itao nga libre sa mga backyard raiser.
Madumduman nga ginkumpirma ni Department of Agriculture Sec. Francisco Tiu Laurel Jr. ro posibilidad it pagpaguwa it bakuna kontra African Swine Fever sa mas madaling panyempo kadungan eon man it koordinasyon it ahensya sa Food and Drugs Adminisration(FDA).
