KALIBO, Aklan–Kumpleto ag may resulta eon ro ginpatigayon nga pagtuon may kaangtanan sa carrying capacity it isla it Boracay.
Raya ro ginkumpirma ni Department of Environment and Natural Resources (DENR) Secretary Roy Cimatu.
Ginpahayag ni Sec. Cimatu sa sangka press conference, nagtuhaw sa pagtuon nga naeabag sigon ro carrying capacity it isla nga naging rason agud nga maghigku ro palibot pati ro kalidad it tubi-dagat hay naapektuhan.
Base sa inisyal nga impormasyon, gindugang pa ni Cimatu nga ro nagasueod nga mga bisita sa isla nga naga-abot sa 6,400 adlaw-adlaw hay masyadong maabo sa ideal carrying capacity kara.
Mag-eowas suno kana sa linibu nga mga turista nga nagasueod sa isla hay nagsobra man ro numero it mga kwarto it mga resorts ag hotels sa ideal capacity it boracay.
Ro nasambit nga pagtuon hay ginhimo it mga multi-disciplinary team of experts halin sa Ecosystem Research and Development Bureau of the Department of Environment and Natural Resources ag University of the Philippines-Los Baños.
Suno pa kay Cimatu, igapaguwa makaron nga adlaw, Agosto 25, ro pinal nga numero it final carrying capacity it islo.
Ro nasambitang resulta hay pagagamiton it inter-agency task force sa andang dry run antes pa man pagabuksan sa mga turista ro isla sa Oktubre 26, 2018.
