Ginpaathag nga ro bag-ong variant it COVID-19 nga KP.2 ag KP.3 ukon mas kilaea sa tawag nga “FLiRT” hay may manaba nga peligro sa ikamayad nga eawas it publiko.
Raya ro ginpahayag ni Dr. Philip Ian Padilla, sangka public health expert.
Sa pihak kara, ginlaygayan gihapon nana ro publiko nga maging madahan, protektahan ro kaugalingon ag mapagbantay sa mga sintomas.
Ginpahayag dugang nga bangud nga majority it mga pumueuyu sa Pilipinas hay nabakunahan eon kontra COVID-19 rason nga mabaskog eon ro aton nga immune.
Posible sigon nga mild eon lang ro magiging epekto it nasambit nga bag-ong coronavirus strains sa mga madapuan it impeksyon sa mga normal individual apang magdahan ro mga vulnerable sector partikular ro mga katigueangan ag ibang tawo nga may gina-angkon nga sakit ukon immunocompromised.
Ginpamilit pa ni Dr. Padilla nga bukon it kapareho it mga Delta ukon Alpha variant dati nga mataas ro peligro nga ma-ospital ag pwedeng maging-severe, ro “FLiRT” hay may low public health risk.
Gina-target sigon it nasambit nga bag-ong variant ro may manaba nga immune response rason nga ginarekomenda kanda ro magsuksok it face mask sa mga tawong lugar ag insigidang magpakonsulta sa doktor kon makabatyag it sintomas nga matsa ginatrangkaso.
Makabig suno kana nga raya hay temporaryo eamang ag owa it rason agud nga magpanic ro publiko.
Bukon sigon raya it kapareho sa natabu ko 2020 ag 2021 nga dere-deretso ag naga-inabu ro naga-angkon it impeksyon.
