KALIBO, Aklan—Madinaeag-on nga naipatigayon ro Ati-Atihan Fashion Festival, adlaw it Sabado nga ginhiwat sa Pook Jetty Port, Brgy. Pook, Kalibo.
Kapin sa 170 designing clothes nga ginsuksok it masobra sa 100 nga mga modelo ro ginrampa sa fashion show nga gintambungan it masobra sa 200 katawo.
Suno kay Phats Tambong, president it fashion and design council of Aklan ag vice chairman it Ati-Atihan Fashion Festival, naging konsepto it nasambit nga aktibidad hay mai-showcase ro ginapabugae nga piña fiber weaving product it banwa it Kalibo, ro selebrasyon it Ati-Atihan Festival ag ro vibrant Kalibo.
Kapin sa 14 ka mga designer ro nagpasakop kon sa siin tatlo sa mga raya hay international nga nakabase pa sa Dubai, UAE ag London, United Kingdom samtang ro iba hay nagapasuksok sa andang mga designs sa mga sikat nga artista ag modelo.
Nasayuran nga unang gintukod ro organisasyon ag nagpatigayon it aktibidad ko 2019 apang nakaangkon it pandemya rason nga ginbalik raya ko 2023 ag nagpadayon hasta it 2024.
Sa makaron suno kana hay handom nana nga masarangan it andang pondo ro invitational event sa ibang nasyon agud nga mai-showcase ro talent it mga Aklanong designer.
