Nagtaeana ro Government Service Insurance System (GSIS) it P18.5 bilyon pesos nga pondo nga pwedeng gamiton para sa emergency loans para buligan ro masobra sa 800,000 members ag pensioners nga naapektuhan it Super Typhoon Carina ag Southwest Monsoon ukon Habagat sa Batangas, Rizal, ag National Capital Region (NCR).
Ginpahayag it GSIS nga pwedeng mag-avail it emergency loan ro 864,089 nga miyembro ag pensioners sa rehiyon nga ginpaidaeom sa state of calamity bangud sa weather disturbance.
Tuyo it emergency loan program nga magtao it insigidang financial relief sa mga miyembro ag pensiyonado nga eubus nga naapektuhan it kalamidad.
Para maging kwalipikado para sa emergency loan, ginpahayag it GSIS nga ro mga aktibong miyembro hay uwa dapat sa unpaid leave, uwa it pending administrative ukon legal cases ag may una nga maskin papaano hay may an-om nga monthly premium payments antes mag-apply kamana man ro borrowers’ net take-home pay hay inde dapat magnaba sa P5,000 pesos kaparehas it nakabaehag sa General Appropriations Act.
