Ginaeauman it gobyerno it China nga makalista it 9.5 bilyon nga passenger trips sa paeaabuton nga Lunar New Year travel season.
Ro 40-diyas nga tiempo it pagbiyahe, nga kilaea man bilang Spring Festival travel rush, hay ro pinakamasako nga tiempo it pagbiyahe sa nasambit nga nasyon bangud sa pagbalik it minilyon nga mga tawo sa andang natungdan nga mga banwa agud makaibahan ro andang pamilya.
Raya hay nagtaas halin sa 9.2 bilyon nga mga pagbiyahe ko nagtaliwan nga dag-on.
Bangud kara, ginpahayag it mga otoridad nga mas pa nga pagapabaskugon ro mga operasyon sa transportasyon agud ma-akomodar ro pagtaas it numero it mga nagabiyahe.
Ginpaeawig man it China ro opisyal nga Lunar New Year holiday it siyam nga adlaw, umpisa Pebrero 15 hasta 23, agud ma-engganyo ro dugang nga pagbiyahe ag paggastos.
